減壓shopping - by alice

上星期四o係舖頭換dummy，由於要聽命於完美男的蠢腦袋和臭咀巴，真係好辛苦好氣餒。放工後o係sogo好想大使購物，於是就住11月得返既200幾蚊budget買左4樣都係食既野。

1.日本廣島蠔 $225 減到 $141

又鮮甜又大隻超抵食，唔洗解凍只要開火落油落少少水蓋鑊蓋煮一陣，臨上碟洒少少酒便可。

2.即食咖哩烏冬

Nata推介打算買比爸爸食，點知返到去先知爸爸鍾意食咖哩但係唔食烏冬，媽媽鍾意烏冬但係唔要咖哩，真係麻 煩。

3.搖搖焦糖布丁飲品

個罐話搖5下就會變布丁，我搖左19幾下倒出黎好似溶左同碎哂既布丁咁都幾唔好食下。

4.急凍烏冬

之前已經買過，只要煮一陣勺起放少少烏冬醬油落去d熱水或者用冰浸一浸再點冷面醬油即可，好好食好彈牙。

BURBERRY's art of the trench - by alice

Burberry 的 Art of the Trench 網頁，由 Sartorialist 的攝影師操刀，以街頭snapshot的形式收集唔同人的trench coat style。又符合依家既潮流又可以係一個marketing campaign。全部相都影得好靚，可能其中一個原因係因為o個度唔係香港而係紐約係倫敦係巴黎，雖然香港都有我好鐘意既地方，但係一見到o個d一式一樣既高樓大廈住宅我就好憎，我諗o係香港真係只有好少數人先可以過d悠閒自得既生活，普通人想過d真正既人生真係退休之後都唔知有無機會。
artofthetrench

Tim Walker - by alice

搵reference既時候成日都會搵到Tim Walker既相，睇佢既相好似睇故事睇illustration咁，我諗當初想做vm唔多唔少都會有少少憧憬係可以做d類似佢做既野，不過入左行就發現真係唔係每樣野都係你諗得咁簡單。

Tim Walker

日劇 Innocent Love by alice

星期六晚做了好耐無做既事，由於上星期o係J2睇到做一出叫純爰既日劇好似幾好睇，所以上網一口氣睇哂10集。睇到4點幾，個劇情都幾慘而最後一集又有d dum波鐘夾硬黎，但係其實真係幾好睇。上網睇返資料發現原來係Last Friends既班底拍架，主角係堀北真希、柚子既北川悠仁、成宮寬貴、香椎由宇、福士誠治同內田有紀等，宇多田光首Eternally好好聽呢，個故事背景係橫濱都係其中一個覺得好好睇既原因，而且中學既時候都曾經鍾意聽柚子既歌，所以雖然睇完個心唔係幾舒服，但係都覺得好好睇，好在個結局都叫做係好結果，如果唔係我一定訓唔著。

Aesop Massage Oil by alice

上次同金毛玲一齊去睇電影節狼災記既首影禮既sponsor品，比左$110睇左半出戲，又見到小田切讓呢個香港真係唔會搵到既型人，仲有3支幾百蚊既Aesop massage oil 送，真係好抵呢，而且由於無人幫我massage我仲可以當佢係body oil 沖完涼用，真係要多謝金毛玲呀今次。

帶阿女麻去日本的大Project - Day6 by alice

Day 6 - 成田 > 香港　

今次旅程既最後一日，去地去左成田既參道行，仲食左出名既鰻魚飯。參道比較有京都既感覺而且可以好慢咁行，大家都買左好多食品做手信，成田出名既鰻魚飯果然好好食，好香既炭燒風味。

總括今次橫濱之行都幾順利，如果日日都係咁好天就更perfect，不過佢地3個都好似幾滿意就好了，但係我就經常發脾氣，帶住佢地又有無形既壓力，所以係好支力既，不過開心就得啦。

帶阿女麻去日本的大Project - Day 5 by alice

Day 5 - 橫濱  > 成田

其中今之的旅程真係無太多時間o係橫濱，去得最多景點就只有今日。台風走左天氣好好，都幾好彩wor，由酒店一路行去紅磚倉庫，再行過去osanbashi，之後中華街留影最後去左元町食lunch。最喜歡今日既行程，覺得橫濱真係一個好舒服既地方，成個城市既感覺都係淨中帶旺，如果有機會再去一定要留耐d，出年去working holifay可以既話都想o係度落腳一排。

帶阿女麻去日本的大Project - Day4 by alice

Day 4 - 箱根 > 橫濱

在溫泉酒店起床後，先沖個涼浸返次溫泉再出去食早餐。早餐係前所未有咁豐富，又燒魚一夜又溫泉旦又魷魚刺身仲有一人一爐煲住既雜菜味噌湯。之後再返房浸一腳先離開酒店。

由酒店行去玻璃之森之係5分鐘路程，係o個度行左一陣又落雨大家都累了，於是放棄了大涌谷同蘆之湖既行程，搭車返去箱根湯本站，o係手信街食過lunch行左陣買左手信就返橫濱喇。

返到橫濱好大風呢人都吹郁，返到酒店睇電視先知完來打風，係台風20號，好似好勁咁。休息一陣出左去酒店隔離既queens square食左拉面就返酒店休息了。

帶阿女麻去日本的大project - Day 3 by alice

Day 3 - 橫濱 > 箱根

這天一早便出發搭JR去箱根，由橫濱去大概一個鐘頭左右便到達小田原，再轉乘箱根登山鐵路到箱根湯本及強羅。到達強羅時雨勢很大，本來想去食的餐廳又大排長龍，於是到一間旅遊書有介紹的鹿兒島黑豚吉列店午膳，很好食但太飽了，從沒有食過咁好食既炸豬排，以為世貿那家已經很好了，點知呢間真係好好好好食，聽到老師傅切落去既時候shotshot聲重以為佢係切緊椰菜，一睇先d shotshot聲係個脆漿既聲音，一入口真係即化呀。食完飯就搭車去左lalique美術館，睇到少少初初變緊黃既紅葉，差不多5點就起程返仙石原品之木一之湯。

呢間一之湯環境不錯，又就腳，個晚餐重好豐富有勁多道菜，由於我地房有個小小的私人露天溫泉，所以呢晚飯前飯後我浸左兩次呢。

 

din 1 dinner - Alice 生日飯在 Main St.Deli by dawn

Alice 生日飯,我地專登唔同佢講,等佢著得好hea 甘去食,之後可以笑佢XDDD....呢個係Nata 既主意,同我完全無關係!!!

為左隆重"歧視"Alice , 所以我地專登揀間靚d既野去食,睇左open rice 好耐先揀到呢一間,位於TST the Langham hotel 中既Main St.Deli , 晚飯每人價錢大約$150以上
,睇你有幾大食...我地個個都係第1次去食,所以揀左佢2款set dinner , 同一個50 CM 長既和牛法式三文治 ,重1有人1杯超大杯既milk shake!!! 飽到爆肚!!! 我覺得兩個main course 都普通ja, 但個appetizer 塊chese 就好好味~可能我好鍾意食cheese 啦~和牛法式三文治加埋個source 好好味@@@呢個真係值得一試!!!

我地飽到連cake都食唔落,我既話呢,dinner 就唔會返泥食啦,但cake 都會想試一次~~~~~by dawn