森ガール - by alice

今日o係公司睇雜誌時見到這本叫 "森ガール" 的雜誌，入面的衫同d accessories真係好靚呢，原來係一個日本style新名詞，mori girl即係ｏ係森林生活的女孩既意思，感覺很好呢。ｄ衫全都係講究質料，好似好多麻質既衫，好多碎花、lace、leg warmer仲有大頸巾同平底鞋，ｏ係冬天之中感覺好warm呢。

2009聖誕禮物 - by alice

剛過去既聖誕玩左幾次交換禮物，仲有一次要1月8號先進行，但至今換來的禮物我都很喜歡很實用。

1. aiko送的床頭燈
2/3. dawn送的馬油漿糊 moisturiser和咸魚朱古力
4.shing送的headphone
5.三yee送的電動牙刷

ca4la.com BY dawn

由於差不多去日本的關係,我滿腦子都是日本的東西  (還有今天皮膚敏感的事-__-") ........
看著看著,看到了這個賣帽的牌子--> ca4la , 我相信很多人其實都很熟悉這個牌子,因為她出品的帽子實在太漂亮,我每次去日本都一定會去看,我到現在還記著上次到日本沒有買的那頂試了我半小時的深綠色紳士帽!!! 所以今次去日本我唔會再考慮ga la!!! 點都要買到1頂為止!!!
重有ca4la最近同好多不同媒體crossover,竟然連電影都有!!! 非常值得一看!!!

阿凡達 Avatar 感想 by dawn

阿凡達 AVATAR

今日去左睇阿凡達 Avatar  3D 版,我係第一次睇3D 版既電影 ( DISNEY 個D唔計) , 覺得好新鮮,重以為個3D眼鏡同DISNEY 個隻差唔多TIM , 不過我戴左眼鏡再戴個幅3D 眼鏡個感覺好好笑, 同埋由於我無鼻樑既關係, 我要ZIP張紙巾係鼻樑先戴得舒服, 我搵多個無鼻樑既壞處...

入返正題,唔計3D效果,5粒★我會比夠5粒★, 計埋我比夠6粒★TIM AR, 因為實在太好睇, 節奏好緊湊不在話, 畫面實在好真實好靚, 一定要睇, 原因唔單止係要娛樂, 而係呢個故事帶出既意義實在太大, 實在要令我地好好去反思自己對呢個地球所帶來既損害, 故事是老身常談的, 大財團為了珍貴資源, 不惜一切要將之據為己有, 手法當然是用武力, 引起生靈塗炭...最後結局大家可以想像,我就不在此說了,  看完後, 令我不期然想到剛閉幕的聯合國氣候會議, . 完全是一個令人失望到極點既會議, 一份沒有約束力協議?! 你會唔會遵守一條唔會受罰既校規, 我當然唔會明白各國所懷的是甚麼鬼胎, 亦都無興趣知道, 但我只知道再下去的話, 受苦的只會是落後的國家, 難道她們的生命就不是生命...... 連反抗的力都沒有…

我明白我都沒有資格說聲甚麼, 因為我都有份謀殺這個地球….
我唯有盡一點小力就是節約用水, 自備餐具, 用少點紙, 不外賣, 垃圾分類…..
我記得有一句對白大約意思是JAKE變成Na'vi 之後話返天空人,希望不會成真~

“THEY KILL THEIR OWN MOTHER EARTH”

Juice Camera - by alice

睇solaris (一隻好似d相影出黎幾靚既菲林)個網見到呢個Juice Camera，好靚好cute呢好想要一個呀，theo話o係citysuper見到呀，我急不及待想買呢。

Juice Camera

為食sunday - by alice

今個星期日勁充實，同沙拉去還完太歲出左cwb做massage，好舒服的一間店，之後去大坑搵食，途經丹麥餅店旁開左一間新店，叫做yogo 係食好似軟雪糕咁既yoghurt，揀左yoghurt既味道之後就過去自助的topping bar揀toppings，當中有個麻薯toppings值得推介，同yoghurt一齊食就好似雪糕糯米池咁，揀完哂topping就去磅再跟據重量比錢，味道唔錯而且幾好玩間舖又好靚，係想再去既一間店。之後去左大坑行左陣，揀左一間叫"潮民"既打邊爐店食飯。店內的牆油上黃色好光猛，仲可以坐出面，好舒服唔洗比打邊爐既油煙焗住，食物都唔錯，除左waiter全都是kai子，見到佢地做野做到盤屎咁就燘，簡單黎講佢地表面上係waiter而實際上工作能力係酒樓負責傳菜d阿姐個level。

Roberto Cavalli Pets line by dawn

無獨有偶,當我諗緊寫乜既時候就見到Roberto Cavalli 的Pets line 的news , 原來之前Alice 都寫在woji的新衫,真係o岩,佢唔鍾意係可能你隻woji想著Roberto Cavalli多d~~~價錢由美金$110-1200 , 雖然係佢條leopard print 既褲仔同個bow tie頸圈都好型,不過價錢就真係.......................
2009年12月8日起於THE SWANK置地廣場新店獨家發售

又到weekend - by alice

終於都等到星期六喇，返工真係太辛苦喇星期六日眨眼就過，星期六日連d陽光同浸除都唔同d架，我同woji都好識嘆，上星期日就在陽光下悠閒咁過，星期日朝早沖涼同食骨骨真係人生一大樂事呀。

今個星期仲買左件格仔西裝褸比woji，不過佢好似唔係幾arm身都唔係幾鍾意。

日清のごんぶときつねうどん～腐皮烏冬 by dawn

今次要推介既係呢個"日清腐皮烏冬" , 我覺得真係好!好!味! 我覺得甚至乎好食過上面係日本料理店食到既! (當然要裡乎邊一間啦~)

d烏冬好彈牙, 味道濃淡適中, 個腐皮好juicy, 所有野都係分開一包包袋好既, 所以能夠保持新鮮! 我原本想影裡面d相, 不過次次都心急食左 , 所以下次先再影啦! Sogo 有售 , 大約$20

日本文化書店Ｖｉｌｌａｇｅ Ｖａｎｇｕａｒｄ於香港開設首家海外分店 - by alice

"香港富有動感的生活節奏、令人陶醉的中西文化交融氣息，為日本文化書店Village Vanguard首家開設於海外的分店提供了理想的環境。這家Village Vanguard香港分店由日本JASDAQ證券交易所上市的Village Vanguard日本總社和香港的Era-Bee有限公司合資經營，於今日（十一月三十日）宣佈其設於鰂魚涌康怡廣場吉之島百貨公司的零售點正式投入服務。

Village Vanguard設於香港的零售點提供書籍、漫畫、雜誌、唱片及影碟、海報、賀卡、玩具、文儀用品及其他產品。該公司銳意在香港打造一個與眾不同的空間，讓顧客在享受購物樂趣之餘，亦能一併了解日本年輕一代的流行文化。

Village Vanguard在日本設有３２３家零售店。香港第二家分店將於十二月中旬在深水西九龍中心開幕。作為該公司進駐香港及中國內地市場的其中一項重要策略，Village Vanguard正計劃於短期內在港增設更多分店。" 政府的新聞發佈

Village Vanguard

買了這套 Tea For 2系列的雪人版，以上是動物系列，還有兔仔可以選擇，此系列還有木套娃娃系列的。真的很可愛，可惜間房太亂無位放只可以成盒原封不動的放在書檯面。

新假期京神阪+溫泉旅館手冊 - by alice

一向都很喜歡買旅遊書，作為無得去旅行既安慰，有時無得去睇下得個恨字都好，有時去完睇返發現原來我都去過o個度都幾開心架，最重要係有時肚餓又未食得飯攞出黎睇下吊吊個胃口。特別想擁有關於日本的旅遊書，真係想有一日可以去哂日本所有既地方。

減壓shopping - by alice

上星期四o係舖頭換dummy，由於要聽命於完美男的蠢腦袋和臭咀巴，真係好辛苦好氣餒。放工後o係sogo好想大使購物，於是就住11月得返既200幾蚊budget買左4樣都係食既野。

1.日本廣島蠔 $225 減到 $141

又鮮甜又大隻超抵食，唔洗解凍只要開火落油落少少水蓋鑊蓋煮一陣，臨上碟洒少少酒便可。

2.即食咖哩烏冬

Nata推介打算買比爸爸食，點知返到去先知爸爸鍾意食咖哩但係唔食烏冬，媽媽鍾意烏冬但係唔要咖哩，真係麻 煩。

3.搖搖焦糖布丁飲品

個罐話搖5下就會變布丁，我搖左19幾下倒出黎好似溶左同碎哂既布丁咁都幾唔好食下。

4.急凍烏冬

之前已經買過，只要煮一陣勺起放少少烏冬醬油落去d熱水或者用冰浸一浸再點冷面醬油即可，好好食好彈牙。

BURBERRY's art of the trench - by alice

Burberry 的 Art of the Trench 網頁，由 Sartorialist 的攝影師操刀，以街頭snapshot的形式收集唔同人的trench coat style。又符合依家既潮流又可以係一個marketing campaign。全部相都影得好靚，可能其中一個原因係因為o個度唔係香港而係紐約係倫敦係巴黎，雖然香港都有我好鐘意既地方，但係一見到o個d一式一樣既高樓大廈住宅我就好憎，我諗o係香港真係只有好少數人先可以過d悠閒自得既生活，普通人想過d真正既人生真係退休之後都唔知有無機會。
artofthetrench

Tim Walker - by alice

搵reference既時候成日都會搵到Tim Walker既相，睇佢既相好似睇故事睇illustration咁，我諗當初想做vm唔多唔少都會有少少憧憬係可以做d類似佢做既野，不過入左行就發現真係唔係每樣野都係你諗得咁簡單。

Tim Walker

日劇 Innocent Love by alice

星期六晚做了好耐無做既事，由於上星期o係J2睇到做一出叫純爰既日劇好似幾好睇，所以上網一口氣睇哂10集。睇到4點幾，個劇情都幾慘而最後一集又有d dum波鐘夾硬黎，但係其實真係幾好睇。上網睇返資料發現原來係Last Friends既班底拍架，主角係堀北真希、柚子既北川悠仁、成宮寬貴、香椎由宇、福士誠治同內田有紀等，宇多田光首Eternally好好聽呢，個故事背景係橫濱都係其中一個覺得好好睇既原因，而且中學既時候都曾經鍾意聽柚子既歌，所以雖然睇完個心唔係幾舒服，但係都覺得好好睇，好在個結局都叫做係好結果，如果唔係我一定訓唔著。

Aesop Massage Oil by alice

上次同金毛玲一齊去睇電影節狼災記既首影禮既sponsor品，比左$110睇左半出戲，又見到小田切讓呢個香港真係唔會搵到既型人，仲有3支幾百蚊既Aesop massage oil 送，真係好抵呢，而且由於無人幫我massage我仲可以當佢係body oil 沖完涼用，真係要多謝金毛玲呀今次。

帶阿女麻去日本的大Project - Day6 by alice

Day 6 - 成田 > 香港　

今次旅程既最後一日，去地去左成田既參道行，仲食左出名既鰻魚飯。參道比較有京都既感覺而且可以好慢咁行，大家都買左好多食品做手信，成田出名既鰻魚飯果然好好食，好香既炭燒風味。

總括今次橫濱之行都幾順利，如果日日都係咁好天就更perfect，不過佢地3個都好似幾滿意就好了，但係我就經常發脾氣，帶住佢地又有無形既壓力，所以係好支力既，不過開心就得啦。