Lovely Sunday Afternoon!!! - by alice

好耐無試過既好天氣，帶woji到街上走走，心情立即輕鬆哂，真係好期待4月中既泰國之旅。

狗餅 - by alice

早前為woji焗了狗餅，用燕麥粉、蜜糖和花生醬做的，狗仔們都好喜歡食，做食物比狗仔真係令人好有滿足感，因為佢地好易滿足。

原來仲有其他味 - by alice

原來仲有其他味架，o係it will stop raining見到佢食左呀，唔知係咪要日本先有香港seven無呢。

Haagen-dazs驚喜之作 -by alice

強烈推介haagendazs日本版creme brulee同blueberry cheesecake味雪糕，creme brulee味的焦糖面脆脆地苦苦地再加上有雲利拿籽的雪糕，直頭好似食緊真既creme brulee，而據nata描述bluberry cheesecake味好似真既chessecake而且最底層仲有餅底，真係好好好驚喜好好好鍾意haagen-dazs，希望呢個系列可以再有其他味啦，不過我諗極都諗唔到仲有咩味可以用呢個concept出，快速去7仔買黎試啦，應該係期間限定架!!!

我愛監獄兔 by dawn

最近迷上了這個監獄兔的動畫, 我知我知, 現在還介紹實在有點遲~ 可是這兩只兔仔在我腦海內揮之不去, 因為實在是太可愛了!!! 實在是有相逢恨晚的感覺....日本的官網是可以下載他的遊戲,wallpaper等等,實在是太好太方便了,可惜香港不能夠使用.....
監獄兔官網

我特別選擇了season 1 我覺得最可愛的一集出來分享!!!

little thing magazine - by alice

從一個blog找到這本大陸的e-magazine，雖然免費的版本看得不太清楚，但art direction及styling都好靚，好似日本雜誌咁，又講fashion又講少女手作，口岩哂的呢ｄ少女睇。

http://www.littlethingmagazine.com/index.asp

星期日的早餐 - by alice

其實成日都想過d懶有lifestyle既生活，就好似上星期日帶埋woji去阿女麻屋企，下午帶左佢落去樓梯街下面行，好有懶洋洋下午的感覺。一路沿住樓梯街落去太平山街，行到去差不多上環太歲廟的地方，本來想順道睇下住O係附近的朋友O係唔O係屋企，不過都預左佢唔O係，行完成個人既心情好哂，真係好鍾意O個頭，靜中帶旺好舒服又多GALLERY同特別既小舖，好心情延續到星期一返工，雖然一諗起公司班仆街我個人就好唔開心但係我又即刻諗下O係O個頭散步既好心情，即刻覺得人生都好似仲有少少希望，我都唔係完全O係地獄，我都可以過D好悠閒既生活，依家每日我都安慰自己完美男同佢既兩個黨羽其實唔存在O係我既生命，佢地對我黎講只係公司資源只係死物，我覺得自己好似要痴線咁呀。

以下的相只係我某一個星期日為自己做既早餐，同上文只係得好少關係，不過為免DAWN會話我呢篇唔算數唯有加埋佢啦。

北海道的法國老虎狗夏彥 - by alice

從收音機得知北海道的旅遊PR大使是一隻叫夏彥的法國老虎狗，立即上網搵佢個BLOG黎睇，D相真係好靚，佢真係好得意好搞笑，O係公司睇下睇下不禁要用D死人姣聲去話佢CUTE，直頭係想攬住佢呀。養左狗之後對其他狗都好似好左，不過仍然係鍾情於偏口偏面的一族。

http://natsuhiko.wild-north.com/

FASHION SITE : STYLE-ARENA BY dawn

http://www.style-arena.jp/cn/
今天要介紹的是這個fashion snap shot site . 我都不記起看了這個網多少個年頭了, 由以前只有日文的時侯到現在有中文,韓文同英文的verson. 真是愈來愈進步了, 資料也比以前豐富, 還記得初是在網上能看到遠在日本的當週snap shot時真是有點驚為天人的感動!!!
現在看來可能會覺得沒有甚麼特別的地方, 因為太多fashion site 的出現了, 又多了很多很多的blogger 提供最新的fashion news. 可是我還是對這個網有些情意結.
起碼可以讓我在差不多出門到日本前看看要帶多少衫. 依據這週看看來, 可以穿短褲吧?!
哈哈~

下次再介紹另一個我喜愛的fashion snap shot web site 吧~

森ガール - by alice

今日o係公司睇雜誌時見到這本叫 "森ガール" 的雜誌，入面的衫同d accessories真係好靚呢，原來係一個日本style新名詞，mori girl即係ｏ係森林生活的女孩既意思，感覺很好呢。ｄ衫全都係講究質料，好似好多麻質既衫，好多碎花、lace、leg warmer仲有大頸巾同平底鞋，ｏ係冬天之中感覺好warm呢。

2009聖誕禮物 - by alice

剛過去既聖誕玩左幾次交換禮物，仲有一次要1月8號先進行，但至今換來的禮物我都很喜歡很實用。

1. aiko送的床頭燈
2/3. dawn送的馬油漿糊 moisturiser和咸魚朱古力
4.shing送的headphone
5.三yee送的電動牙刷

ca4la.com BY dawn

由於差不多去日本的關係,我滿腦子都是日本的東西  (還有今天皮膚敏感的事-__-") ........
看著看著,看到了這個賣帽的牌子--> ca4la , 我相信很多人其實都很熟悉這個牌子,因為她出品的帽子實在太漂亮,我每次去日本都一定會去看,我到現在還記著上次到日本沒有買的那頂試了我半小時的深綠色紳士帽!!! 所以今次去日本我唔會再考慮ga la!!! 點都要買到1頂為止!!!
重有ca4la最近同好多不同媒體crossover,竟然連電影都有!!! 非常值得一看!!!

阿凡達 Avatar 感想 by dawn

阿凡達 AVATAR

今日去左睇阿凡達 Avatar  3D 版,我係第一次睇3D 版既電影 ( DISNEY 個D唔計) , 覺得好新鮮,重以為個3D眼鏡同DISNEY 個隻差唔多TIM , 不過我戴左眼鏡再戴個幅3D 眼鏡個感覺好好笑, 同埋由於我無鼻樑既關係, 我要ZIP張紙巾係鼻樑先戴得舒服, 我搵多個無鼻樑既壞處...

入返正題,唔計3D效果,5粒★我會比夠5粒★, 計埋我比夠6粒★TIM AR, 因為實在太好睇, 節奏好緊湊不在話, 畫面實在好真實好靚, 一定要睇, 原因唔單止係要娛樂, 而係呢個故事帶出既意義實在太大, 實在要令我地好好去反思自己對呢個地球所帶來既損害, 故事是老身常談的, 大財團為了珍貴資源, 不惜一切要將之據為己有, 手法當然是用武力, 引起生靈塗炭...最後結局大家可以想像,我就不在此說了,  看完後, 令我不期然想到剛閉幕的聯合國氣候會議, . 完全是一個令人失望到極點既會議, 一份沒有約束力協議?! 你會唔會遵守一條唔會受罰既校規, 我當然唔會明白各國所懷的是甚麼鬼胎, 亦都無興趣知道, 但我只知道再下去的話, 受苦的只會是落後的國家, 難道她們的生命就不是生命...... 連反抗的力都沒有…

我明白我都沒有資格說聲甚麼, 因為我都有份謀殺這個地球….
我唯有盡一點小力就是節約用水, 自備餐具, 用少點紙, 不外賣, 垃圾分類…..
我記得有一句對白大約意思是JAKE變成Na'vi 之後話返天空人,希望不會成真~

“THEY KILL THEIR OWN MOTHER EARTH”

Juice Camera - by alice

睇solaris (一隻好似d相影出黎幾靚既菲林)個網見到呢個Juice Camera，好靚好cute呢好想要一個呀，theo話o係citysuper見到呀，我急不及待想買呢。

Juice Camera

為食sunday - by alice

今個星期日勁充實，同沙拉去還完太歲出左cwb做massage，好舒服的一間店，之後去大坑搵食，途經丹麥餅店旁開左一間新店，叫做yogo 係食好似軟雪糕咁既yoghurt，揀左yoghurt既味道之後就過去自助的topping bar揀toppings，當中有個麻薯toppings值得推介，同yoghurt一齊食就好似雪糕糯米池咁，揀完哂topping就去磅再跟據重量比錢，味道唔錯而且幾好玩間舖又好靚，係想再去既一間店。之後去左大坑行左陣，揀左一間叫"潮民"既打邊爐店食飯。店內的牆油上黃色好光猛，仲可以坐出面，好舒服唔洗比打邊爐既油煙焗住，食物都唔錯，除左waiter全都是kai子，見到佢地做野做到盤屎咁就燘，簡單黎講佢地表面上係waiter而實際上工作能力係酒樓負責傳菜d阿姐個level。

Roberto Cavalli Pets line by dawn

無獨有偶,當我諗緊寫乜既時候就見到Roberto Cavalli 的Pets line 的news , 原來之前Alice 都寫在woji的新衫,真係o岩,佢唔鍾意係可能你隻woji想著Roberto Cavalli多d~~~價錢由美金$110-1200 , 雖然係佢條leopard print 既褲仔同個bow tie頸圈都好型,不過價錢就真係.......................
2009年12月8日起於THE SWANK置地廣場新店獨家發售

又到weekend - by alice

終於都等到星期六喇，返工真係太辛苦喇星期六日眨眼就過，星期六日連d陽光同浸除都唔同d架，我同woji都好識嘆，上星期日就在陽光下悠閒咁過，星期日朝早沖涼同食骨骨真係人生一大樂事呀。

今個星期仲買左件格仔西裝褸比woji，不過佢好似唔係幾arm身都唔係幾鍾意。